شب معراج ( اسرار معراج )

(محبوب خدا صلی الله علیہ وسلم کی عرش تك رسائی اوردیدار الٰہی کےبارےمیں مطلوب سےخبردار کرنیوالا)

السلام علیکم ورحمتہ ﷲ تعالی وبرکاتہ 

بسم ﷲ الرحمن الرحیم

الصلاة و السلام علیک یا رسول ﷲ ﷺ

کیا آپ جانتے ہیں  ؟

قسط : ۱

مسئلہ ۳۶:کیافرماتے ہیں علمائے دین اس مسئلہ میں کہ شب معراج نبی صلی الله تعالٰی علیہ وسلم کا اپنے رب کو دیکھنا کس حدیث سے ثابت ہے ؟بینواتوجروا(بیان فرمائےے اوراجر دیے جاؤ گے۔

الجواب:

الاحادیث المرفوعہ(مرفوع حدیثیں)

امام احمد اپنی مسند میں حضرت عبدالله بن عباس رضی الله تعالٰی عنہما سے راوی:

قال قال رسول الله صلی الله تعالٰی علیہ وسلم رأیت ربی عزوجل ۔

یعنی رسول الله صلی الله تعالٰی علیہ وسلم فرماتے ہیں میں نے اپنے رب عزوجل کو دیکھا۔

امام جلال الدین سیوطی خصائص کبرٰی اورعلامہ عبدالرؤ ماوی تیسیرشرح جامع صغیر میں فرماتے ہیں:یہ حدیث بسند صحیح ہے ۔

ابن عساکر حضرت جابربن عبدالله رضی الله تعالٰی عنہما سے راوی،حضور سیدالمرسلین صلی الله تعالٰی علیہ وسلم فرماتے ہیں:

لان الله اعطی موسی الکلام واعطانی الرؤیۃ لوجہہ و فضلنی بالمقام المحمود والحوض المورود ۔

بیشك الله تعالٰی نے موسٰی کو دولت کلام بخشی اورمجھے اپنا دیدار عطافرمایا مجھ کو شفاعت کبرٰی وحوض کوثر سے فضیلت بخشی۔

وہی محدث حضرت عبدالله بن مسعود رضی الله تعالٰی عنہ سے راوی:

قال قال رسول الله صلی الله تعالٰی علیہ وسلم قال لی ربی نخلت ابرٰھیم خلتی وکلمت موسٰی تکلیما واعطیتك یا محمد کفاحا۔  فی مجمع البحار کفاحا ای مواجھۃً لیس بینھما حجاب ولارسول۔

یعنی رسول الله صلی الله تعالٰی علیہ وسلم فرماتے ہیں مجھے میرے رب عزوجل نے فرمایا میں نے ابراہیم کو اپنی دوستی دی اورموسٰی سے کلام فرمایا اورتمہیں اے محمد!مواجہ بخشا کہ بے پردہ وحجاب تم نے میرا جمال پاك دیکھا۔ مجمع البحار میں ہے کہ کفاح کا معنٰی بالمشافہ دیدار ہے جبکہ درمیان میں کوئی پردہ اورقاصد نہ ہو

جاری ہے ۔۔۔۔۔۔۔

( “ رسالہ منبہ المنیۃ بوصول الحبیب الی العرش و الرّؤیۃ ۱۳۲۰ھ “ )

( “ الفتاوی الرضویہ “ جلد ۳۰ . صفحہ ۶۳۷ )

طالب دعا : سید جیلانی میاں جیلانی

خانقاہ مدنی سرکار ۔ موربی گجرات