تراویح ، رمضان ، Ramzan, Taravih

*****YATIMON K SAATH HUSNE SULOOK*****

yateem k saath accha bartao aur mushaffa'qhaana suluk karne ki bohot badi fazilat hai___aik hadees shareef me hai k:

Musalmano me sab se accha aur bahtareen wo ghar hai jis ghar me koi yateem ho____aur iske saath bahtareen suluk kiya jata ho____aur musalmano k gharon me sab se bura aur battareen wo ghar hai k jis ghar me koi yateen ho aur is k saath battareen bartao kiya jata ho.(mishkaat:jild:2:pg:423)

isi tarah huzoor akram (sallellahu alaihi wasallam) ne yatimon k bare me irshad farmate hoye yon farmaya k:

Kisi yateem bacchi ya yateem bacche k saath accha suluk karne wala jannat me mere saath rahega.(mishkaat:jild:2:pg:423)

MiSKiNO K SAATH NEiK BARTAO:
Miskino k saath accha bartao inko khana khilane aur kapda pahna'ne ka kitna bada aur kitna azeem sawab hai____is sil'sile me bhi aik hadees padhlo:

Huzoor akram (sallellahu alaihi wasallam) ne farmaya k jo shaks kisi nange ko kapda pahnaiga to allah ta'ala isko bahisht ka sabz libaas pahnaiga___aur jo kisi bhuke musalman ko khana khilaiga to allah ta'ala isko jannat k mewe khilaiga____aur jo koi kisi piyase musalman ko sairaab kardega to allah ta'ala isko jannat ka wo sharbat pilaiga jis par muhar lagi hogi.(mishkaat:jild:1:pg:169)

Bahre haal millate islamia k yatimo aur miskino k mushaffa khana suluk aur kareemana bartao ye dil ki sakhti ka aik shaafi ilaaj hone k saath saath bahtareen amale swaleh bhi hai___yahi wajah hai k quran majid aur hadison me yatimon aur miskino k saath accha suluk karne ki bohoth zayadah takeed aayi hai:

Quran majid me allah ta'ala ne apne habeeb (sallellahu alaihi wasallam) ko khaas tor par farmaya k___yane yateem ko kisi tarah mat daba'o aur musalmano ko bhi mukhatib karke irshad farmaya k___yane jo log yatimo ka maal kha'daalte hain wo dar'hakikhat apne peiton me aag kha'rahe hain___dosri jaga yatimo k saath bad suluki karne walon k baare me mazammat karte hoye quran ne alaan farmaya___yane jo shaks yatimo ko dhoka de miskino ko khana khilane ki rugbat na dilaye wo un logon k tarkhe par hai jo qhiyamat k munkir hain___yane yatimo ko dhoka dena aur miskino ko khana khane ki targeeb na dena ye musalmano ka tarikha nahi hai balke kafiron ka tarikha hai.(na'oz billah)

Khulasa kalaam ye hai k har musalman mard o aurat par lazim hai k millate islamia k yatimo aur miskino par hamesha nazre rahmath rakkhe aur aur nihayat shafqhat o muhabbat k saath in logon se acche se accha bar'tao kare___kaash dore hazir k musalman is irshade nabwi (sallellahu alaihi wasallam) ko apna namuna amal bana kar islami mu'ashirah me bahtareen inqhilaab paida karte___ta k talimaate nabuwat se aqhwaame aalam ko muta'assir kar k inko damane islam me laakar islam ka bol bala karte.(wallahul mu'wafiqh)